गुलदस्ता

मकरसंक्रांतीचं निमित्त साधून झी टॉकिज 'गुलदस्ता' हा नव्या वर्षातला पहिला सिनेमा रसिकांसमोर आणणार आहे. मकरंद अनासपुरे, जितेंद जोशी यांची मुख्य भूमिका असलेल्या या सिनेमात तेजस्विनी लोणारी हा नवा चेहरा झळकेल.

दोन मित्रांची कथा यात गुंफण्यात
आली असून हे दोन कॉमेडीचे बादशाह रसिकांसाठी हास्याचा खळखळाट करण्यासाठी सज्ज झाले आहेत. एक खानदानी बागायतदार तर दुसरा न्यूज रिपोर्टर. एकाचं लग्न होत नाहीय. तर दुसरा एका मॉडेलसोबत स्वप्नरंजन करण्यात गुंतलेला. योगायोगाने या बागायतदाराची गाठही 'त्याच' मुलीशी पडते आणि एक फुल दो माली असं समीकरण तयार होतं. दोघेही तिला इम्प्रेस करण्यासाठी जीव पणाला लावतात असा हा धमाल कॉमेडी सिनेमा.

यानिमित्ताने तेजस्विनीही पहिल्यांदाच मोठ्या पडद्यावर येईल. यापूवीर् तिने दौपदी या हिंदी सीरिअलमध्ये दौपदीची भूमिका साकारली होती. या तिघांसह या सिनेमात सयाजी शिंदे, उदय टिकेकर, सागर तळाशीकर, मेघा भागवत आदींच्या मुख्य भूमिका असून, याचं दिग्दर्शन हेमंत देवधर यांनी केलं आहे.